ពិធីបុណ្យចូលឆ្នំាខ្មែរ តែងតែប្រារព្ធធ្វើឡើង ក្នុងខែ ចែត្រ ឬ ពិសាទ ជារៀងរាលឆ្នំា។
បុព្វហេតុដែលនំាអោយមានការបញ្ចប់ឆ្នំាចាស់ ហើយចូលឆ្នំាថ្មីនេះ ដោយអ្នកខ្លះមានជំនឿតាមរឿងព្រងមួយដែលមានសេចក្តីអាទិ៍ថា “កបិលមហាព្រហ្ម” បានចោទប្រស្នា ៣ខដល់ ធម្មបាលកុមារ ជាកូនសេដ្ឋីដែលបានរៀនចេះចប់នូវត្រៃវេទ និង ចេះភាសាបងក្សីទំាងពួង ហើយបានសន្យាថា បើដោះស្រាយមិនរួច នឹងកាត់ក្បាលធម្មបាល ផ្ទុយទៅវិញ បើស្រាយប្រស្នានោះរួច កបិលមហាព្រហ្មនឹងកាត់ក្បាលវិញ ធម្មបាលទាល់ប្រជ្ញា ប៉ុន្តែទីបំផុតបានស្តាប់សត្វឥន្ទ្រីញី-ឈ្មោល សន្ទនាគ្នាអំពីប្រស្នានោះ ទើបបានយល់ឡើង ហើយដល់ថ្ងៃកំនត់ក៏បានឆ្លើយថា :
ខទី ១ -វេលាព្រឹកសិរីស្ថិតនៅមុខ ទើបមនុស្សត្រូវយកទឹកលុបមុខ។
ខទី ២-វេលាថ្ងៃត្រង់សិរីស្ថិតនៅទ្រូង ទើបមនុស្សត្រូវយកទឹកមកលាងទ្រូង។
ខទី ៣ -វេលាល្ងាចសិរីស្ថិតនៅជើង ទើបមនុស្សត្រូវយកទឹកលាងជើង។
កបិលមហាព្រហ្ម ត្រូវកាត់ក្បាលបូជា ធម្មបាល ហើយអោយកូនស្រីទំាង ៧ នាក់យកពានមកទទួលក្បាល រួចអោយកូនច្បងហែប្រទក្សិណភ្នំព្រះសុមេរុ ៦០ នាទី ទើបយកទៅទុកក្នុងមណ្ឌល នៅក្នុងគហា គន្ធមាលី នៃភ្នំកៃលាស។ លុះគម្រប់ឆ្នំាសង្រ្កាន្ត ទេពធីតា ទំាង៧ ក៏ផ្លាស់វេនគ្នាហែក្បាល កបិលមហាព្រហ្ម ប្រទក្សិណភ្នំព្រះសុមេរុរាល់ៗឆ្នំារហូតមក ហេតុនេះហើយបានជាមានសង្រ្កាន្ត ឬ ទំនៀមដាច់រាល់ឆ្នំាថ្មីនេះ។
អ្នកខ្លះទៀតមានជំនឿថា ក្នុងរវាង១ឆ្នំាដែលរស់នៅ ជួនកាលគេជួបប្រទះចង្រៃឧបទ្រព ជួនកាលមានជំងឺប្រចំាកាយ ជួនកាលទៀតបានប្រព្រឹត្តអំពើសៅហ្មងផ្សេងជាដើម លុះផុតឆ្នំាចាស់នេះទៅ គេធ្វើបុណ្យ គេស្លៀកពាក់ថ្មីៗដើរលេងអោយសប្បាយ អោយអស់កង្វល់ អោយបាត់នឿយហត់ រួចទើបចាប់ផ្តើមសាងជីវភាពថ្មី អោយបានជួបប្រទះសុភមង្គលគ្រប់ប្រការ និង អាយុយឺនយូរតទៅមុខទៀត។
តើក្នុងពិធីបុណ្យចុលឆ្នំាខ្មែរ អ្នកនិង គ្រួសារអ្នកតែងមានទំលាប់ធ្វើអ្វីដែរ?
Leave your comment
Our recent post
Lucky Draw ពី មោរា និងសណ្ឋាគារ The Sanctuary Residence ខេត្តសៀមរាប ក្នុងឳកាសពិធីបុណ្យអុំទូក
សួស្ដី! ថ្ងៃនេះពួកយើងមានដំណឹងល្អ សម្រាប់អ្នកដែលមានគម្រោងចង់ទៅលេងខេត្តសៀមរាបក្នុងកំឡុងពេលឈប់សម្រាកខាងមុខនេះ។ ក្នុងឳកាសនេះ The Morea [...]
ឆ្នំាខ្មែរទំាង ១២
ប្រជាជនកម្ពុជា ប្រើប្រាស់ឆ្នំាខ្មែរដើម្បីរាប់មើលអាយុ និងទស់ទាយនូវជោគជតារាសី របស់ខ្លួន។ ឆ្នំាខ្មែរ ជាឆ្នាំដែលបានបែងចែកតាមរយៈច័ន្ទគតិ [...]
តម្លៃថ្មី សំរាប់ស្ទីកកឺ គ្រប់ប្រភេទ
ថ្ងៃនេះពួកយើងមានដំណឹង ទាក់ទងនឹងតម្លៃថ្មីសំរាប់ឈុតស្ទីកកឺកញ្ចប់ទំាងអស់ គឺនឹងបញ្ចុះតម្លៃពី $2.5 ទៅ $2 [...]